काठमाडौं । रोयल्टीलाई लिएर रेडियो प्रसारकसँग विवाद चर्किएपछि संगीतकार तथा रोयल्टी संकलन समाजका अध्यक्ष सुरेशअधिकारीले माफी मागेका छन् ।
गत साउन १ गते फेसबुकमा स्टाटस लेख्दै अधिकारीले ‘बिना रोयल्टी स्रष्टाको सम्पत्तिमा लुटमार मच्चाएको’ भन्दै एफएम रेडियोविरुद्धआक्रामक शब्दसहितको असन्तुष्टि पोखेका थिए । उक्त अभिव्यक्तिको विरोधमा साउन ४ गते संयुक्त वक्तव्य जारी गर्दै तीन रेडियोप्रसारक संस्थाले अधिकारीका सांगीतिक कृति प्रसारण नगर्ने घोषणा गरेका थिए ।
विवाद चर्कंदै गर्दा रोयल्टीको पारदर्शितामाथि समेत प्रश्न उठाइएको थियो । अधिकारीले नेपालका रेडियोसम्बद्ध छाता संगठनहरुरेडियो ब्रोडकास्टर्स फोरम नेपाल, ब्रोडकाष्टिङ एसोसिएसन अफ नेपाल र सामुदायिक रेडियो प्रसारक संघले संगीत रोयल्टी नबुझाउनएफएम रेडियोहरूलाई उक्साएको भन्दै त्यस्ता रेडियो नवीकरण रोक्नेसम्मको चेतावनी दिएका थिए ।
शुक्रबार भने फेसबुकमा पुनः स्टाटस लेख्दै अधिकारीले क्षमायाचना गरेका हुन् ।
अधिकारी लेख्छन्, ‘ कोही कसै व्यक्ति वा संस्थालाई तोकेर आरोप, लाञ्छना वा आलोचना पनि मैले गरेको छैन । त्यो त एउटास्रष्टाको रुपमा संगीत रोयल्टीप्रति उहाँहरुको गलत धारणा र कार्य शैलीप्रतिको आक्रोश मात्रै हो । तर त्यस पोष्टले आफूलाई लक्षितगरी एउटा सामाजिक व्यक्तित्वबाट प्रयोग गरिएको आलोचनाका भाषा अमर्यादित र अशोभनीय रहेको भनी रेडियोसम्बद्ध तीन संस्थालेजनाएको गम्भीर आपत्तिप्रति मेरो गहिरो ध्यानाकर्षण भएको छ । अझ संगीत रोयल्टीप्रति उदार रहनुभएका केही मैले सम्मान गर्नेव्यक्तित्व समेत त्यस आलोचनामा मुछिएको अनुभुति गर्नुभएको कुराले म आफैंलाई पनि दुःखी तुल्याएको छ ।’
अधिकारीले अगाडि लेखेका छन्, ‘आफ्नो पेशागत हकहितको लागि संगठित भएर क्रियाशील रहनु भएका वहाँहरुप्रति व्यक्तिगत रुपमामेरो सदैव सम्मान,आदर छ र रहिरहने छ । यदि आवेगवश व्यक्तिगत रुपमा प्रस्तुत मेरो शैली र मबाट व्यक्त भएका शब्दले कोहीकसैलाई चित्त दुखेको छ वा आफ्नो व्यक्तित्वलाई धमिल्याएको छ भन्ने लाग्छ भने म सम्बन्धित सबैमा विनम्रतापूर्वक क्षमायाचना गर्दछु।’
प्रकाशित मिति: आइतबार, साउन १४, २०८० ०७:५६
