सुर्खेत । कर्णाली प्रदेशमा कोरोना संक्रमितको संख्या १५ सय ८८ पुगेको छ । पछिल्लो २४ घण्टामा कर्णालीका विभिन्न जिल्लामा २७ जनामा थप कोरोना संक्रमण पुष्टी भएको हो ।
आज थपिएका संक्रमित मध्ये सुर्खेतका ११ जना, सल्यानका दश जना, जाजरकोटका र दैलेखका दुइ दुई जना र डोल्पा र बाजुराका एकएक जना रहेका छन्।
प्रदेश प्रयोगशाला र पशुपन्छी रोगअन्वेषण प्रयोगशाला सुर्खेतमा गरिएको पीसीआर परीक्षणले सुर्खेतको वीरेन्द्रनगर नगरपालिका-४, ६, ७, १०, ११ मा गरि एघार जना, डोल्पाको मुड्केजुला गाउँपालिका-६ मा एक जना, र सल्यानको कुमाख गाउँपालिका- २ का एक जना संक्रमण पुष्टि गरेको हो।
राष्ट्रिय जनस्वास्थ्य प्रयोगशाला टेकुको प्रयोगशालाले सल्यानको कुमाल गाउँपालिकाका नौ जना र जाजरकोटको शिवालय गाउँपालिका-२ र ४ का एक/एक जनामा संक्रमण पुष्टि भएको छ।
त्यस्तै दैलेख अस्पताल दैलेखमा गरिएको परीक्षणमा वीरेन्द्रनगर गरपालिका– १, ५, ८, ९ र १३ का एक/एक जना र ४ का दुइ जना, दैलेखको नारायण नगरपालिका -१, ६ र बाजुराको स्वामीकार्तिक खापर गाउँपालिका – १ का एक/एक जनामा पनि संक्रमण पुष्टि भएको छ।
योसँगै कर्णालीमा कोरोना संक्रमितको संख्या एक हजार पाँच सय ८८ जना पुगेको कर्णाली प्रदेश सामाजिका विकास मन्त्रालयले जनाएको छ।त्यस्तै शुक्रबार नै कर्णाली स्वास्थ्य विज्ञान प्रतिष्ठान जुम्लाबाट २५ जना र दुल्लु अस्पताल दैलेखबाट एक जना गरी कुल २६ जना डिस्चार्ज भएका छन्।
हालसम्म एकहजार तीनसय ४७ जना आइसोलेसनबाट डिस्चार्ज भएको मन्त्रालयले जनाएको छ। अब कर्णालीमा दुइ सय ३६ जना विभिन्न अस्पताल तथा आइसोलेसनमा उपचाररत रहेको मन्त्रालयका स्वास्थ्य सेवा महाशाखा प्रमुख डाक्टर लक्ष्मीनारायण तिवारीले जानकारी दिए।
